സാനിയ മിർസയുമായുള്ള വിവാഹമോചനത്തിന് ശേഷം ഷോയിബ് മാലിക് ആയിഷ ഒമറിനെ വിവാഹം കഴിക്കുമോ? പാക് നടിയുടെ മറുപടി വൈറലാകുന്നു

ഷൊയ്ബ് മാലിക്-സാനിയ മിർസ വിവാഹമോചനം: എല്ലാ ഊഹാപോഹങ്ങൾക്കും ഇടയിൽ, സാനിയയുടെയും ഷോയിബിന്റെയും പ്രണയതകർച്ചക്ക് പിന്നിലെ പ്രധാന കാരണം ആയിഷ ഒമർ എന്ന പാകിസ്താനി നടി ആണെന്ന് റിപ്പോർട്ട് ചെയ്യപ്പെട്ടു. അവരുമായി അടുത്തിടെ ഷോയിബ് വളരെ ഇഴുകി ചേർന്നുള്ള ഒരു ഫോട്ടോഷൂട്ടിൽ പങ്കെടുത്തിരുന്നു.

65
ADVERTISEMENT

ഷൊയ്ബ് മാലിക്- സാനിയ മിർസ വിവാഹമോചനം: ടെന്നീസ് സൂപ്പർ താരവും ഭർത്താവ് ഷോയിബ് മാലിക്കും വിവാഹമോചനം നേടിയെന്ന റിപ്പോർട്ടുകൾക്കിടയിൽ, പാകിസ്ഥാൻ നടി ആയിഷ ഒമറിന്റെ പേര് വാർത്തകളിൽ ഇടം പിടിക്കുന്നു. വിവാഹമോചനത്തെക്കുറിച്ചുള്ള അഭ്യൂഹങ്ങളെക്കുറിച്ച് ദമ്പതികൾ മിണ്ടാതിരിക്കുമ്പോൾ, അവർ വേർപിരിഞ്ഞുവെന്നും പേപ്പർ വർക്കുകൾ മാത്രമേ ഇനി ചെയ്യാൻ ഉള്ളു എന്നും റിപ്പോർട്ടുകൾ സൂചിപ്പിക്കുന്നു. ഷൊയ്ബ് ആയിഷയുമായി അടുപ്പത്തിലായതിനെ തുടർന്ന് ഇരുവരും നിയമപരമായി വേർപിരിയുകയാണെന്ന് പല പാക് വാർത്താ ഏജൻസികളും റിപ്പോർട്ട് ചെയ്തു. തന്നെ കുറിച്ചുള്ള ആരോപണത്തെക്കുറിച്ച് പ്രതികരിക്കുന്നതിൽ നിന്ന് നടി ആദ്യം വിട്ടുനിന്നെങ്കിലും, ഇൻസ്റ്റാഗ്രാമിൽ ഒരു ആരാധകനോട് ആയിഷ നേരത്തെ പ്രതികരിച്ചു.

ADVERTISEMENT

ആയിഷ ഒമറിന്റെ പ്രസ്താവന

ഷൊയ്ബിന്റെയും സാനിയയുടെയും വിവാഹം തകർത്തുവെന്ന് ആരോപിച്ച് നിരവധി ആരാധകർ പാകിസ്ഥാൻ നടിയെ ആക്ഷേപിച്ചപ്പോൾ, ‘മാലിക്കിനെ വിവാഹം കഴിക്കാൻ പദ്ധതിയിട്ടിരുന്നോ’ എന്ന ആരാധകകന്റെ ചോദ്യത്തോട് ആയിഷ പ്രതികരിച്ചു. അവൾ മറുപടി പറഞ്ഞു, “ജീ നഹിൻ. ബിൽകുൽ നഹി. ഉൻ കീ ഷാദി ഹോ വെ ഹായ് ഔർ ഹൂ അപ്നീ ബീവി കേ സാത്ത് ബോഹത് ഖുഷ് ഹൈ . ബോഹത് ബഹുമാനിക്കുന്ന കർത്തായ് ഹേ. ഐസായ് ഋഷ്ടേ ഭീ ഹോതായ് ഹേ ദുനിയ മേം ലോഗോൻ കേ. (അദ്ദേഹം വിവാഹിതനാണ് വളരെ സന്തോഷത്തോടെ ജീവിക്കുന്നു, ഞാൻ ദമ്പതികളെ ബഹുമാനിക്കുന്നു. ഞാനും ഷൊയൈബും നല്ല സുഹൃത്തുക്കളും അഭ്യുദയകാംക്ഷികളുമാണ്, ഇത്തരത്തിലുള്ള ബന്ധങ്ങളും ലോകത്ത് നിലനിൽക്കുന്നു.)” എന്നാണ് താരം കുറിച്ചത്.

എല്ലാ ഊഹാപോഹങ്ങൾക്കും ഇടയിൽ, സാനിയയുടെയും ഷോയിബിന്റെയും പ്രണയ തകർച്ചക്ക് പിന്നിലെ പ്രധാന കാരണം ആയിഷ ഒമറിനൊപ്പം ഒരു അടുപ്പമുള്ള ഫോട്ടോഷൂട്ടിൽ താരം പങ്കെടുത്തതായി റിപ്പോർട്ട് ചെയ്യപ്പെട്ടു. റിപ്പോർട്ടുകൾ വിശ്വസിക്കാമെങ്കിൽ, പാകിസ്ഥാൻ ക്രിക്കറ്റ് താരം ആയിഷയുമായി വിവാഹേതര ബന്ധമുണ്ടെന്ന് ആണ് വിശ്വസിക്കേണ്ടത് അങ്ങനെയാണ് പാക് മാധ്യമങ്ങളടക്കം റിപ്പോർട്ട് ചെയ്യുന്നത്..

ഷൊയ്ബ് മാലിക്-സാനിയ മിർസ വിവാഹമോചന വാർത്തകൾ

സാനിയയോ ഷൊയ്ബോ ഇക്കാര്യത്തിൽ ഒരു പ്രഖ്യാപനവും നടത്തിയിട്ടില്ല. രസകരമായ കാര്യം, അവർ ഇപ്പോഴും ഇൻസ്റ്റാഗ്രാമിൽ പരസ്പരം പിന്തുടരുന്നു. എന്നിരുന്നാലും, സാനിയയുടെ നിഗൂഢമായ പോസ്റ്റുകളും അടിക്കുറിപ്പുകളും കഥകളും അവരുടെ വിവാഹമോചനത്തെക്കുറിച്ച് സൂചന നൽകി. അടുത്തിടെ, സാനിയ തന്റെ മകനുമൊത്തുള്ള ഒരു ഫോട്ടോ പോസ്റ്റ് ചെയ്യുകയും “ഏറ്റവും പ്രയാസകരമായ ദിവസങ്ങളിലൂടെ എന്നെ നയിക്കുന്ന നിമിഷങ്ങൾ @izhaan.mirzamalik” എന്ന് എഴുതി.

“തകർന്ന ഹൃദയങ്ങൾ എവിടെ പോകുന്നു?” എന്നെഴുതിയ ഒരു ഇൻസ്റ്റാഗ്രാം സ്റ്റോറിയും അവൾ കുറച്ച് ദിവസങ്ങൾക്ക് മുമ്പ് പോസ്റ്റ് ചെയ്തു. അടുത്തിടെയാണ് സാനിയ ദുബായിലെ പുതിയ വീട്ടിലേക്ക് താമസം മാറിയതെന്നാണ് റിപ്പോർട്ട്. നേരത്തെ ഷോയിബ് മാലിക്കിനൊപ്പം ദുബായിലെ പാം ജുമൈറയിലെ വില്ലയിലായിരുന്നു സാനിയ, എന്നാൽ അടുത്തിടെ ദുബായിലെ മറ്റൊരു സ്ഥലത്തേക്ക് താമസം മാറി.

2010ൽ വിവാഹിതരായ ഷൊയ്ബും സാനിയയും അന്നുമുതൽ ദുബായിലാണ് താമസം.

ADVERTISEMENT