‘ഇതും കടന്നുപോകും’ തനിക്ക് മയോസിറ്റിസ് എന്ന രോഗാവസ്ഥ ഉണ്ടെന്ന് വെളിപ്പെടുത്തി സാമന്ത എന്താണ് മയോസിറ്റിസ്?

42
ADVERTISEMENT

തെന്നിന്ത്യയിൽ ഏറ്റവും കൂടുതൽ ഡിമാന്റുള്ള നടിമാരിൽ ഒരാളായ സാമന്ത റൂത്ത് പ്രഭു, പേശികളെ ബാധിക്കുന്ന അപൂർവമായ ഒരു ഓട്ടോ ഇമ്മ്യൂൺ രോഗാവസ്ഥയായ മയോസിറ്റിസ് ബാധിച്ചതായി വെളിപ്പെടുത്തി. നവംബർ 11 ന് തിയേറ്ററുകളിൽ എത്തുന്ന തന്റെ വരാനിരിക്കുന്ന ചിത്രമായ ‘യശോധ’യുടെ ട്രെയിലറിന് അതിശയകരമായ പ്രതികരണം ലഭിച്ചതിന് എല്ലാവരോടും നന്ദി പറയുന്നതിനിടയിലാണ് താരം വാർത്ത ഇൻസ്റ്റാഗ്രാമിൽ പങ്കിടാൻ തീരുമാനിച്ചത്.

തന്റെ ആരാധകരുമായി പങ്കിടുന്ന സ്നേഹവും ബന്ധവുമാണ് തന്റെ ജീവിതത്തിലെ വെല്ലുവിളികളെ അതിജീവിക്കാനുള്ള കരുത്ത് നൽകുന്നതെന്നും താരം പറഞ്ഞു.

ADVERTISEMENT

“യശോധ ട്രെയിലറിന് നിങ്ങളുടെ പ്രതികരണം അതിശയിപ്പിക്കുന്നതായിരുന്നു. ഞാൻ നിങ്ങളോട് എല്ലാവരുമായും പങ്കിടുന്ന ഈ സ്നേഹവും ബന്ധവുമാണ്, ജീവിതം എനിക്ക് നേരെ എറിയുന്ന അവസാനിക്കാത്ത വെല്ലുവിളികളെ നേരിടാൻ എനിക്ക് ശക്തി നൽകുന്നത്. കുറച്ച് മാസങ്ങൾക്ക് മുമ്പ് എനിക്ക് മയോസിറ്റിസ് എന്ന ഓട്ടോ ഇമ്മ്യൂൺ രോഗാവസ്ഥയാണെന്ന് കണ്ടെത്തി. ഇത് ശമിച്ചതിന് ശേഷം ഇതിനെ കുറിച്ച് നിങ്ങളുമായി വിവരങ്ങൾ പങ്ക് വെക്കാമെന്നു ഞാൻ കരുതി. എന്നാൽ ഞാൻ പ്രതീക്ഷിച്ചതിലും അൽപ്പം സമയമെടുക്കുന്നു. ജീവിതത്തിൽ എല്ലായ്‌പ്പോഴും ശക്തമായ ഒരു മുന്നേറ്റം നടത്തേണ്ട ആവശ്യമില്ലെന്ന് ഞാൻ പതുക്കെ മനസ്സിലാക്കുന്നു.

“ഈ ദുർബ്ബലത അംഗീകരിക്കുക എന്നത് ഞാൻ ഇപ്പോഴും ബുദ്ധിമുട്ടുന്ന ഒന്നാണ്. വളരെ വേഗം ഞാൻ പൂർണമായി സുഖം പ്രാപിക്കുമെന്ന് ഡോക്ടർമാർക്ക് ഉറപ്പുണ്ട്. എനിക്ക് നല്ല ദിവസങ്ങളും മോശം ദിവസങ്ങളും ഉണ്ടായിരുന്നു…. ശാരീരികമായും വൈകാരികമായും…. എനിക്ക് ഇത് ഇനി കൈകാര്യം ചെയ്യാൻ സാധിക്കില്ല എന്ന് ചിന്തിക്കുമ്പോൾ എങ്ങനെയോ അത് കടന്നു പോവുകയാണ്. ഞാൻ സുഖം പ്രാപിക്കുന്നതിന് ഒരു ദിവസം കൂടി അടുത്തിരിക്കുന്നു എന്ന് മാത്രമേ അർത്ഥമാക്കൂ, ഞാൻ നിന്നെ സ്നേഹിക്കുന്നു.. ♥️ ഇതും കടന്നുപോകും,” താരം എഴുതി.

നയൻതാരയ്ക്കും വിജയ് സേതുപതിക്കുമൊപ്പം ‘കാതുവാകുല രണ്ടു കാതൽ’ എന്ന ചിത്രത്തിലാണ് സമാന്ത അവസാനമായി അഭിനയിച്ചത്. നടി യുഎസിൽ ചികിത്സ തേടിയിരുന്നതായി വാർത്തകളുണ്ടായിരുന്നുവെങ്കിലും അതെല്ലാം ഊഹാപോഹങ്ങൾ മാത്രമായിരുന്നു.

എന്താണ് മയോസിറ്റിസ്

നമ്മുടെ പ്രതിരോധ സംവിധാനം തെറ്റായി പ്രവർത്തിച്ചു നമ്മുടെ ശരീരത്തിലെ ചില മസിലുകളെ ആക്രമിക്കുന്ന വളരെ അപൂർവമായ ഒരു രോഗാവസ്ഥയാണ് ഇത്. ഇത് [പലപ്പോഴും ശരീരത്തിന്റെ പല ഭാഗങ്ങളിലെ മസിലുകളെ ആണ് ബാധിക്കാറുള്ളത്. അത് കൊണ്ട് തന്നെ എന്തെങ്കിലും പ്രവർത്തികൾ കുറച്ചു നേരം ചെയ്തു കഴിഞ്ഞു വീഴാൻ പോവുക. ചിലപ്പോൾ ശരീരത്തിൽ ചൊറിച്ചിൽ ഉണ്ടാകുക മസിലുകൾക്ക് ശക്തമായ വേദന ഉണ്ടാവുക ഇരുന്നിട്ട് എഴുന്നേൽക്കാൻ പറ്റാതാവുക ഒരുപാടു നേരം നില്ക്കാൻ ആവാതിരിക്കുക,തല നിവർത്തി നിൽക്കാൻ പറ്റാതാവുക, ശക്തമായ ഡിപ്രഷന് അടിമപ്പെടുക അങ്ങനെ പല ബുദ്ധിമുട്ടുകളും നേരിടാറുണ്ട്.

ADVERTISEMENT